КОНКУРС ПРАЕКТНЫХ ПРАПАНОВАЎ
Праграма Belarus Beehive адкрывае прыём праектных заявак на падтрымку журналісцкіх расследаванняў па выкрыцці карупцыі, абыходу санкцыяў, схаваных механізмаў функцыянавання ўладаў, рэпрэсій супраць грамадзянскай супольнасці, удзелу ў знешняй агрэсіі
і адказных за пералічанае.
ДЭДЛАЙН
ПАДАЧЫ
ЗАЯВАК
Усе заяўкі неабходна падаць да 10 ліпеня 2023 г. 23:59 CET
Чакаецца, што праектная дзейнасць пачнецца не пазней за 1 верасня 2023 года і скончыцца не пазней за 30 кастрычніка 2023 года.
Мінімальная працягласць праекту не абмежаваная, але, хутчэй за ўсё, будзе не менш за адзін месяц, максімальны тэрмін праекта абмежаваны 2 месяцамі.
Гранты могуць вар'іравацца ад 6.000 EUR (мінімальная сума ) да 8.000 EUR (максімальная сума ).
ХТО МОЖА
ПРЫНЯЦЬ УДЗЕЛ
Гэты конкурс адкрыты толькі для медыя-арганізацый.
Атрымальнікі павінны мець адпаведную сістэму фінансавага кіравання, каб забяспечыць належную справаздачнасць і маніторынг, мець магчымасць прадаставіць неабходную дакументацыю для абгрунтавання выдаткаў або быць гатовым прайсці навучанне ў фінансавым кіраванні.
Форма заяўкі складаецца з двух абавязковых дакументаў:
1) Запоўненую форму заяўкi
2) Бюджэт (запаўняюцца толькі палі, пазначаныя жоўтым колерам)
Форму заяўкі неабходна запоўніць на беларускай, рускай або англійскай мове.
УВАГА:
Праектныя прапановы дасылаюцца выключна на адрас
investigations@belarusbeehive.eu
ЯК ПРЫНЯЦЬ
УДЗЕЛ
АЦЭНКА
ЗАЯВАК
-
амбітнасць расследавальніцкай задачы
-
рэалістычнасць пастаўленых задачаў
-
прадуманасць доказнай базы і плану дзеянняў
-
грамадская значнасць тэмы
-
папярэдні досвед заяўніка і рэпутацыя СМІ ў адпаведнай сферы
Ацэнка заявак будзе браць да ўвагі наступныя чыннікі:
Пераможцы конкурсу будуць абраныя да 4 жніўня 2023.
Тыпы праектаў, якія падтрымлівае Beehive Belarus
У сферы адукацыі
Падтрыманне ініцыятываў у галіне грамадзянскай адукацыі, дапамога прыватным школам, супольнасцям і асацыяцыям настаўнікаў, супольнасцям бацькоў ды інш., каб забяспечыць якасную, сучасную і свабодную ад прапаганды адукацыю або асобныя навучальныя курсы; укараненне інавацыяў у адукацыйнае асяроддзе (у тым ліку «edtech»); падтрыманне аўтаноміі адукацыйных установаў і практык удзелу ў кіраванні, і інш.
У сферы мясцовага самакіравання і развіцця мясцовых супольнасцяў
Падтрыманне дзеянняў мясцовых дваровых ініцыятываў і створаных нанова або адноўленых органаў тэрытарыяльнага грамадскага самакіравання, накіраваных на развязанне мясцовых праблемаў і задавальненне мясцовых патрэбаў; правядзенне грамадскіх дыскусіяў, прысвечаных рэформам мясцовага самакіравання; падтрыманне мерапрыемстваў, якія звязаныя з мясцовымі выбарамі і г. д., дапамога мерапрыемствам мясцовых жыхароў дзеля паляпшэння мясцовых умоваў жыцця і самаарганізацыі ў розных фарматах;
У сферы культуры
Падтрыманне творчых праектаў рэпрэсаваных мастакоў і культурных калектываў; тэрміновае фінансаванне ініцыятываў; тэставанне новых змяшаных мадэляў фінансавання культуры; дапамога прафесійным аб'яднанням у сферы культуры і культурных хабаў; развіццё «супольнасцяў спадчыны»;
Для прафсаюзаў, а таксама ў працоўнай і сацыяльнай сферы
Кампаніі дзеля павышэння дасведчанасці і кампаніі рэкрутынгу новых чальцоў для прафсаюзаў; стварэнне і дапамога новым прафсаюзным арганізацыям і іх дзейнасці, і падобнае.
Для журналістыкі раследаванняў
Раследаванні, якія дазваляюць праліць святло на ўнутраную механіку ўлады, на павыбарчыя падзеі ў краіне, рэпрэсіі ды адказных за іх, і на падобныя тэмы.
Гэта далёка не поўны спіс тэмаў і кірункаў – BELARUS BEEHIVE адкрыты для разнастайных і інавацыйных прапановаў.
Прыярытэты праграмы
Belarus Beehive
Мы разглядаем праектныя прапановы, якія:
-
дазваляюць арганізацыям i ініцыятывам грамадзянскай супольнасці працягваць дапамогу і аказанне паслугаў сваім мэтавым супольнасцям;
-
дапамагаюць беларускаму грамадству зменшыць наступствы рэпрэсіяў;
-
раследуюць падзеі павыбарчага перыяду, карупцыю, гвалт з боку сілавікоў у дачыненні пратэстоўцаў ды падобныя рэчы і падзеі апошняга часу
-
прапануюць пілотныя інавацыйныя рашэнні самых надзённых праблемаў з магчымасцю далейшага маштабавання;
-
забяспечваюць рэалізацыю пілотных ідэяў (праектаў) у ключавых тэмах праграмы (адукацыя, мясцовае самакіраванне і мясцовыя супольнасці, культура, прафсаюзы, працоўная і сацыяльная сферы) і ў шырэйшым маштабе.
Прыклады актыўнасці, якой мы спрыяем
-
падтрыманне асноўнай дзейнасці, функцыянавання арганізацыяў (персанал, памяшканні, абсталяванне; інфармацыйна-камунікацыйныя тэхналогіі, сродкі сувязі ды інш.)
-
сустрэчы, семінары, воркшопы, канферэнцыі, лабараторыі; школы, хакатоны, летнія лагеры, грамадскія кансультацыі ды інш.
-
кампаніі і акцыі салідарнасці ў Беларусі і за мяжою
-
інфармацыйныя кампаніі і кампаніі адвакацыi ў Беларусі і за мяжою
-
распрацоўванне прадуктаў ІКТ, распрацоўванне крэатыўных прадуктаў
-
праца над рашэннямі, якія дазваляюць павысіць удзел уразлівых групаў у грамадскім жыцці
-
распрацоўванне і распаўсюд адукацыйных і інфармацыйных матэрыялаў
-
распрацоўванне і распаўсюд аналітычных ацэнак і дакументаў публічнай палітыкі
-
журналісцкія раследаванні гвалту сілавікоў, карупцыі ў вертыкалі, палітычных ды эканамічных аспектаў, ды падобнае
Праекты з інавацыйнымі элементамі (якія, напрыклад, уключаюць сацыяльныя ці тэхналагічныя інавацыі дзеля дасягнення мэтавых групаў) і пілотныя праекты з патэнцыялам тыражавання ў больш шырокім маштабе будуць мець прыярытэт
BELARUS BEEHIVE найперш падтрымае дзейнасць, якая ажыццяўляецца пераважна ў Беларусі ці, прынамсі, прыносіць карысць і падтрымлівае людзей у Беларусі.
Зычым поспеху і мужнасці, каб вярнуць нашай краіне свабоду і збудаваць новую дэмакратычную Беларусь!
